Uzbekistan has proposed a Vision for “Central Asia — Republic of Korea: Partnership for Accelerated Development”. Global change is outpacing the ability of states to adapt, making it important to timely identify development opportunities, president Shavkat Mirziyoyev said.
АҚШнинг Эрон билан уруши беш ойдан сал кўпроқ вақт ичида мамлакат бюджетига 38 миллиард доллардан ортиқ зарар келтирди. Конгресс Бюджет бошқармаси ҳисоб-китобига кўра, 28 февралдан 1 августгача Мудофаа вазирлиги билан боғлиқ ҳарбий харажат камида шунча маблағни ташкил этган, жанг шиддатига қараб эса ҳар ой яна 3 миллиард долларгача сарфланмоқда. Ташкилот бевосита вазирликдан маълумот олмагани, ахборот давлат базаси ва очиқ манбаларга асослангани сабабли рақамларда “сезиларли ноаниқлик” борлигини билдирган.
Европа Иттифоқи ўзгариб бораётган хавфсизлик ва сиёсий муҳитга жавобан янги ҳамкорлик ва ҳимоя механизмини шакллантирмоқда. Европа комиссияси президенти Урсула фон дер Ляйен Страсбургдаги Иттифоқ ҳолатига бағишланган йиғилишда бир соатлик нутқ сўзлади. Маъруза матнидан Канадага “ассоциацияланган аъзолик” мақомини таклиф қилиш, гибрид ҳужумга қарши НАТОнинг 4-моддасига ўхшаш механизм яратиш каби ташаббуслар илгари сурилди. Шунингдек, иқлим ўзгариши оқибати, сунъий интеллект ва болалар учун интернет хавфсизлиги ҳамда оммавий миграция оқимига жавоб чоралари ҳам кун тартибидан ўрин олди.
Ҳаво ифлосланишининг қисқа ва узоқ муддатли таъсири инсонда суицидга оид фикрлар пайдо бўлиши ва ўз жонига қасд қилиш оқибатида вафот этиш хавфини ошириши мумкин экан. “Journal of Epidemiology & Community Health” журналида чоп этилган янги таҳлилда PM2.5 ва PM10 майда заррачаларига қисқа муддат, шунингдек азот диоксиди (NO2) ва PM2.5 таъсирига давомий дуч келиш суицидга уриниш, суицидал фикр ёки ўлим хавфи билан боғлиқлиги аниқланган. Тадқиқотчилар ҳаво, шовқин, ёруғлик ва сув ифлосланишининг инсон руҳиятига эҳтимолий таъсири ўрганилган 40 дан зиёд тадқиқот натижасини таҳлил қилган.
Бугунги “Хориж хабарлари” дастурида Хитой мамлакатга кириш ва чиқиш қоидаларини кучайтиргани, АҚШ вице-президенти Жей Ди Вэнс Яқин Шарқ бўйича сиёсат Исроилга тобе бўлмаслигини билдиргани ҳамда Украина президенти Володимир Зеленский Россия унинг самолёти Молдовада бўлганида икки марта дрон учирганини айтгани ҳақида сўз боради.
